Хэрхэн ажилладаг вэ
Европын тансаг брэндийн барааг — хямдарсан, хуучин биш, яг одоогийн улирлын оригналыг — таны өмнөөс худалдан авч, шалгаж, луксус боодолтой Улаанбаатарт хүргэнэ.
- 1
Урилгаар нэвтэрнэ
Энэ бол нээлттэй дэлгүүр биш, хаалттай хүрээллийн personal shopper үйлчилгээ. Одоогийн гишүүн эсвэл манай багаас урилгын код аваад бүртгүүлнэ. Гишүүн болмогц каталог, үнийн санал, захиалга нээгдэнэ.
- 2
Линкээ тавина эсвэл каталогоос сонгоно
Mytheresa, Farfetch, The Outnet, Net-a-Porter, SSENSE, брэндийн өөрийн сайт — дурын Европын луксус сайтаас барааныхаа линкийг хуулж тавина. Размер, өнгөө бичнэ. Эсвэл бидний сонгосон каталогоос шууд захиална.
- 3
Үнийн санал ₮-өөр
Систем линкээс барааны үнэ, брэнд, зургийг уншиж, манай баг шалгаад 3 хоног хүчинтэй үнийн санал илгээнэ. Задаргаа ил тод: барааны үнэ, Европ доторх тээвэр, агаарын карго, concierge үйлчилгээ. Далд нэмэлт байхгүй.
- 4
Урьдчилгаа — барааны өртөг
Бид агуулах барьдаггүй, мөнгө урьдчилдаггүй. Урьдчилгаа нь барааны үнэ + Европ доторх тээвэр + агаарын каргог бүрэн нөхнө (ихэвчлэн нийтийн ~80%). Үлдэгдэл буюу үйлчилгээний хэсгийг бараа Улаанбаатарт ирэхэд төлнө. Хүсвэл 100%-ийг шууд төлж болно. QPay эсвэл компанийн данс.
- 5
Европ хаб — шалгалт, боодол
Урьдчилгаа орсны дараа Европ дахь баг эх сайтаас худалдан авна. Бараа Герман/Итали дахь хаб дээр ирмэгц жинхэнэ эсэх, гэмтэл, размерыг шалгаж, брэндийн хайрцгийг хамгаалалтын хайрцагт багцална.
- 6
Шуурхай агаарын карго
Хабаас Улаанбаатар хүртэл 7–12 хоног. Захиалгын хуудсанд 5 алхамт трекер: Захиалга баталгаажсан → Европ агуулах дээр ирсэн → Онгоцонд суусан → УБ хотод ирсэн → Хүргэлтэд гарсан. Алхам бүрд мэдэгдэл ирнэ.
- 7
Хүргэлт, unboxing
Гаднаа ямар ч логогүй цэвэрхэн хамгаалалтын хайрцаг. Дотроо брэндийн матт хар/цагаан хатуу хайрцаг, торгон тууз, dust bag, гар бичмэл мэндчилгээ болон арчилгааны карт. Мэндчилгээний текстээ захиалахдаа бичиж өгнө.
- 8
Буцаалт — 14 хоног
Хүргэгдсэн өдрөөс 14 хоногийн дотор размер таараагүй эсвэл бодол өөрчлөгдвөл буцаалт хүснэ. Бид эх сайтын буцаалтын зааврыг өгнө; олон улсын буцаалтын тээврийг захиалагч хариуцна. Эх сайт барааг хүлээн авмагц барааны үнэ, Европ доторх тээврийг буцаан олгоно. Карго болон үйлчилгээний хэсэг буцаагдахгүй.
Үнэ хэрхэн бодогдох вэ
Зарах үнэ = (барааны үнэ + Европ доторх тээвэр + агаарын карго) + concierge үйлчилгээ. 10 000₮-өөр дугуйлна.
| Барааны үнэ | эх сайт дээрх бодит үнэ × ханш (жижиг хэлбэлзлийн нөөцтэй) |
| Европ доторх тээвэр | сайтаас манай хаб хүртэл |
| Агаарын карго | барааны жингээр, кг тутамд |
| Concierge үйлчилгээ | худалдан авалт, шалгалт, боодол, хүргэлт — дээрх өртгийн тогтмол хувь |
Санал болгосон үнэ 3 хоног хүчинтэй. Захиалга үүссэний дараа ханш, дүрэм өөрчлөгдсөн ч таны үнэ өөрчлөгдөхгүй.
Нөхцөл товчоор
- Худалдан авалт зөвхөн урьдчилгаа орсны дараа эхэлнэ. Худалдан авалтаас өмнө цуцалбал бүрэн буцаан олгоно.
- Үлдэгдэл төлбөр бараа УБ-д ирэхэд; төлөгдмөгц хүргэлтэд гарна.
- Эх сайт дээр бараа дууссан эсвэл хаб дээр гэмтэл илэрвэл бүрэн буцаан олгоно.
- Буцаалт 14 хоног, олон улсын буцаалтын тээвэр захиалагчаас. Карго, үйлчилгээний хэсэг буцаагдахгүй.